Rreth Nesh

Automated Traffic Light Scheduling for Minimizing Commuting Time and Cost – Studim Rast: Qyteti i Prishtinës dhe i Fushëkosovës

Ky projekt është financuar nga Ministria Federale Gjermane për Bashkëpunim Ekonomik dhe Zhvillim (BMZ) dhe Bashkimi Evropian (BE), si pjesë e programit #Digital4Business, zbatuar nga GIZ Kosovo në Qendrën e Transformimit Dixhital në Parkun e Inovacionit dhe Trajnimit (ITP) Prizren.

Përdorimi

Ky web aplikacion është zhvilluar për të ndihmuar përdoruesin të ndërveprojë me algoritmin. Çdo marker me ngjyrë në hartë përfaqëson një semafor. Për secilin semafor, shfaqen të dhënat për drejtimin nga ka ardhur vetura dhe destinacionin e saj.

Disa të dhëna hyrëse të algoritmit mund të ndryshohen në UI dhe, në varësi të ndryshimeve, mund të bëjmë run algoritmin dhe të fitojmë zgjidhje të reja. Algoritmi si zgjidhje na jep numrin e sekondave të gjelbert për secilën rrugë dhe numrin e fazës.

Qëllimi i Algoritmit

Krijimi i orareve optimale për semaforët është kyç për lëvizjen urbane, duke përfshirë shoferët, këmbësorët, bizneset dhe banorët e qytetit. Menaxhimi manual është i ndërlikuar për shkak të kufizimeve të shumta. Hulumtimi për automatizimin e këtyre orareve është i rëndësishëm për qytetet moderne.

Qëllimi i projektit është të zhvillojë teknika inovative të optimizimit bazuara në inteligjencën artificiale dhe mësimin e makinerisë për të optimizuar oraret e semaforëve në Prishtinë dhe Fushë Kosovë. Ne synojmë të krijojmë metoda hibride dhe të përdorim arsyetimin e bazuar në mësimin e makinerisë për të zgjidhur këtë problem. Do të zhvillojmë një sistem prototip për planifikimin dhe sinkronizimin e semaforëve, i cili do të plotësojë nevojat e Prishtinës dhe mund të zgjerohet për përdorim në qytete të tjera.

Kontributi

Projekti do të kontribuojë ndjeshëm në kërkimin e planifikimit dhe sinkronizimit të semaforëve, duke promovuar bashkëpunimin ndërmjet akademisë, industrisë, qeverisjes lokale dhe universiteteve ndërkombëtare. Ky projekt ofron një mundësi të rëndësishme për hulumtuesit e rinj kosovarë për të avancuar në teknologjitë e internetit dhe për të fituar një bazë të fortë në fushat e inteligjencës artificiale, mësimit të makinerisë, optimizimit dhe planifikimit të automatizuar.

Kontribuesit

• Kadri Sylejmani (Koordinator i projektit dhe Kryehulumtues)
• Atlantik Limani, Elvir Misini dhe Uran Lajci (Algoritmi për UI). Linku: GitHub
• Fjolla Gashi (Përpunimi dhe manipulimi i të dhënave)
• Elon Demi (Zhvillimi softuerik i web aplikacionit). Linku: prishtinagreenwave.com